Har du starta jakta etter lokasjonar for dine bryllaupsbileter i Bergen? Eller treng du berre litt inspirasjon til ditt bryllaup?

3 gode lokasjonar for dine bryllaupsbileter

Arborete

Arboretet er ein vakker og frodig stad, kjend for sin imponerande plantesamling og ikkje minst Noregs største rosesamling. Her kan du vandra mellom hundrevis av fargerike blomar og majestetiske tre, noko som gjer området til eit eldorado for fotografar. Dei varierte omgjevnadene skaper ei unik ramme for bilete, anten du ynskjer dramatiske kontrastar eller mjuke, romantiske fargar i bakgrunnen.

Musikkpaviljongen

Musikkpaviljongen i Byparken er ein sjarmerande og praktisk stad for fotografering, spesielt om vêret skulle by på ei regnbyge. Dei vakre detaljane i paviljongen, kombinert med den sentrale plasseringa, gjev mange moglegheiter for stilfulle bilete. I tillegg finn du dei ikoniske brusteinsgatene i Bergen like ved – her fungerer alt frå gamle murveggar til klassiske bygardar som perfekte kulissar for stemningsfulle bilete.

Gamlehaugen

Gamlehaugen, kongens residens i Bergen, er ein av dei mest majestetiske stadene du kan velja for bryllaupsfotografering. Den imponerande alléen, dei vakkert utforma hagane og det staselege slottet skapar ei eventyrleg stemning. Her finn du både vakre, opne område og intime, grøne lundar, noko som gjev stor variasjon i bileta.

---

Ynskjer du tidlause og stemningsfulle bryllaupsbilete? Ta kontakt i dag for ein uforpliktande prat!

---

Bonuslokasjon

For dei som ynskjer endå meir natur, sjølv om ein er i sentrale delar av Bergen, kan ein ta turen opp til Ulriken. Her får du spektakulær utsikt over byen, fjorden og dei vakre fjellområda rundt. Dei dramatiske landskapa, kombinerte med frisk fjelluft og ei fantastisk stemning, gir ei unik ramme for bileta dine. Dersom du vil sjå bilete og få inspirasjon til korleis bryllaupsbileta kan sjå ut på Ulriken, kan du klikke deg vidare inn her.

Fem tips for å finna den perfekte lokasjonen til bryllaupsbileta

1. Vel ein stad med betydning – Ein plass som betyr noko for deg, til dømes der du møtte den du skal gifta deg med, ein stad du ofte har besøkt, eller ein plass som gir deg gode minner, gjer bileta ekstra spesielle og personlege.
2. Finn godt lys – Dei finaste bileta får du når lyset er mjukt og naturleg. Solnedgang eller morgonlys gir ein varm og romantisk stemning. Sterk sol midt på dagen kan gi harde skuggar, så prøv å unngå det.
3. Vel ein fin bakgrunn – Ein stad med vakker utsikt, blomstrande hagar eller stilige bygningar kan løfte bileta. Tenk på kva slags stemning du vil ha – naturleg og romantisk eller elegant og klassisk.
4. Gjer det enkelt – Lokasjonen bør vere lett tilgjengeleg, spesielt om du har på deg ein lang kjole eller fine sko. Unngå stadar der du må gå langt eller klatre i ulendt terreng.
5. Ha ein plan B for vêret – Vêret kan endre seg fort, så vel ein stad der det finst ly for regn eller vind, til dømes ein paviljong, ein allé med tre eller ein bygning med ein overbygd inngang.

---

20 brudepar får meg som bryllaupsfotograf per år. Sikre datoen din idag!

---